رد: مناقشة فنية ودعــــــــــوة للتعلم
الانفراجات ببساطة هى أداة للتنبؤ بانعكاس اتجاه السهم ووجود الانفراجات فى سهم يدل على حالتين
إنفراج إيجابى: ويوضح وجود تجميع وذلك باختصار عندما يكون المؤشر المستخدم قيعان أعلى من بعضها والسعر قيعان أقل من بعضها وده أٌقوى درجات الانفراجات الايجابية
انفراج سلبى: ويوضح وجود تصريف وذلك باختصار أيضاً عندما يكون المؤشر المستخدم قمم أقل من بعضها فى حين أن السعر يكون قمم أعلى من بعضها وده أقوى درجات الانفراجات السلبية
طيب نشوف مثال علشان الكلام يوضح أكتر
زى ما احنا شايفين السعر كان بينزل ولكن مؤشر القوة النسبية كان بيطلع وده معناه إن بالرغم من إن السعر بينزل إلا إن حجم المكاسب للسهم بيزيد تدريجياً عن حجم الخسائر...يعنى فى تجميع على السهم
لما نشوف انفراجات زى كده من أكتر من مؤشر يبقى نتوقع تغيير الاتجاه ونتأكد باختراق خط المقاومة الموضح باللون الأسود إن السهم فعلاً بدأ يغير اتجاهه
طبعاً شرح الانفراجات محتاج موضوع منفصل وهو أداءة مهمة جداً ولكن ما نسبقش الأحداث، بس دى نبذة بسيطة تعرفنا إن من الممكن جداً إننا نتوقع كسر خطوط الترند لأعلى باستخدام أدوات التحليل المختلفة
التعديل الأخير تم بواسطة : hollow بتاريخ 07-04-2008 الساعة 07:38 PM.
|