بورصة - عرض مشاركة واحدة - ###اذا كنت مبتدىء وتريد تعلم التحليل الفنى وتحليل الشارت أضف شارتك هنا وتعلم من أخطاءك####

Rona · 01-05-2008, 05:42 PM

اقتباس:

المشاركة الأصلية كتبت بواسطة محمد العزب

ما رايك يا اخت RONA

هل هذا وتد

ام قناه

ولا لاده ولا ده

أهلا أهلا اخى محمد العزب:

بص اولا تعالى نتفق على مبدأ هام :

النماذج والقنوات وانماط الشارت بوجه عام بتحب الالتزام والانتظام وتكون مرسومة بعنايه ومفيش فتفوته هربانه كده او كده
يعنى يكون السعر محاصر تماما جوه النموذج وفكين النموذج او القناة قافلين عليه بعنايه عشان يدينا نتيجة ممتازة ونقدر نعتمد عليه ده رايى وده اسلوبى فى التعامل مع النماذج والانماط حتى لو قعدت مطلعتش ولا نموذج مظبوط من الشارت طول الاسبوع مش مشكلة احسن مااطلع نموذجين تلاته مرضى يضربونى ستوب عالفاضى ...

ده بس ملحوظة حبيت اقولهالك وجربها والتزم بيها وهتدعيلى ان شاء الله

بالنسبة للنماذج المرفقة حاليا الباوند ين مش راسى على حل يعنى مش واضح هو راسم ايه انا شايفاه عاطى 3 نماذج وال 3 غير مثاليين

الاول : وتد

الثانى قناة اللى انت أرفقتها فى الشارت التانى

الثالث مستطيل

والتلاته غير مثاليين لان فيهم ارتدادات داخلية وعدم التزام من السعر بوجود الاضلع للناذج ده فبيرتد من قبلها وبيتحكر جواها بحرية وبالتالى بيلغى قوة وهدف النماذج ان بعد انحصاره بين ضلعين هيحصل على حريته ويكسرهم وبالتالى نستفيد من حركة كبيرة ...

ده وجهة نظرى وأتمنى أكون أفدتك ..