حديث الشارت

نور المصرى · 05-04-2008, 09:42 PM

بسم الله توكلنا على الله

نور المصرى · 05-04-2008, 09:49 PM

بإذن الله سنقوم انا وااخى ايمن الشهير بهولو بالكتابه فى هذا الباب
مستعرضيين الفرص والشارتات للاسهم المتوقع لها حركه
وسابدأ بسهميين ارى بهم خير عن قريب بإذن الله
اسيك
اسيك تكون بها احدى نماذج جان الصاعده
وهذا النموذج بيقول لما الورقه تبدأ تخرج من النطاق الدائرى اللى هى ماشيه فيه نتوقع صعود قوى لها

لو بعدنا شويه
هانشوف ترند لاين رئيسى بيقول ان الارتاد وارد جدا عند الترند ده غير ان نفس النقطة بتاعة الترند هاتوافق نفس النقطه بتاعة جان وباذن الله نتوقع التعريض لفتره قصيره جدا وهذا هو الاحتمال السيئ او الصعود مباشرة
وده شارت بيوضح خط الترند

[/quote]
[/size]

الاستراتيجيه الثانيه لاسيك برضه
استراتيجية الميديان لاين
النظريه بتقول
اننا متوقعين نوصل للحد الاوسط للبيتشفورك الاوسط
زى ماحصل عند النقطه 4

[/quote]

[/size]

نور المصرى · 05-04-2008, 10:00 PM

طيب كده شفنا
ايه اللى خلانا نقول اسيك
طيب ياترى ده كفايه عشان نقول الورقه طالعه
لا عايزين نشوف حاجه تانيه تاكد
الا وهى الدايفرجنس
ودى اللى بتفضح التجميع
ولحسن الحظ التجميع فى الورقه دى من الدرجه الاولى
يبقى باذن الله هانشوف صعود قوى جدا لهذه الورقه
طيب تعالوا نستعرض الانحرافات

الاول نشوف شارت السعر وهانلاقى السعر نازل برخامه

طيب وياترى المؤشرات نازله مع السعر
لو نازله يبقى نكبر دماغنا طالعه يبقى ده الشغل اللى احنا بندور عليه
ادى الاستوك استيك وبدأ يكون قيعان اعلى من بعض على الرغم من نزول السعر
اما بقى النزله الاخيره دى فدى نزلة تخويف للمتعاملين واختبار بياع
ماننساش نبص على قيمة الاستوك استيك كام
المؤشر فى قاع لم يتكرر فى تاريخ الورقه الا 3 مرات وفى كل مره كانت الورقه بتشهد صعود عنيف

الار اس اى ونفس الانحراف الايجابى

وده انحراف اخر بين الماكد والهيستوجرام

وده انحراف ايجابى فى مؤشر التجميع والتصريف

اعتقد كده الصوره وضحت اوى بالنسبه لاسيك
وبالله التوفيق

نور المصرى · 05-04-2008, 10:05 PM

لورقه الثانيه
بنك فيصل
ورقه ماحدش بيعرف خبرها فى السوق اطلاقا
ومش عليها كلام كتير وهو ده المطلوب

الورقه لو نبص على الشارت من بعيد هانلاقى انها كسرت ترند صاعد قوى
طيب لازم نفرق بين حاجتيين هل تم كسر الترند عشان الورقه تنهار
ولا الميكر بيجمع تحت الدعم

طيب نقرب شويه هانلاقى ان الميكر كون نموذج مثلث صاعد مستهدفه عند 45.78
طيب ليه برضه عشان يجمع اقولك اه عشان يقدر يجمع
الورقه قابلت متوسط 200 يوم وده صعب كسره جدا والميكر عارف كده كويس
لان متوسط 200 يوم ده متوسط المستثمر
وهو كده بدأ يخاطر جامد لو كمل نزول تحته
يعنى نقدر نقول ان دى كسرة ارهاب ليس الا
وكمان لو نبص على شمعه 1 هانلاقيها شمعة دوجى العاكسه للاتجاه
والشمعه الثانيه شمعة الرجل المشنوق
يعنى خلاص الورقه استوت وطلبت الاكال زى مابيقولوا

طبعا ده غير الانحراف الايجابى اللى فى الورقه وبيقول ان الراجل بيجمع بقوه وبشكل عنيف
يبقى النموذج والترند وكسرهم لاسفل ماهى الا حركة تمويه شديدة الاحتراف

وبالله التوفيق

رجل من هذا الزمان · 05-04-2008, 10:57 PM

ما شاء الله عليكم

من غير مديح هذا موضوع خبراء التحليل الفنى المحترمين

الأخ نور المصرى و الأخ أيمن على

إبداع ما بعده إبداع و يبدو إنى سأحول للأسهم على أيديكم

بالتوفيق يا شباب المحللين

hollow · 06-04-2008, 07:27 AM

بسم الله الرحمن الرحيم

بعون الله وتوفيقه سنضع فى هذا الباب الفرص التى نراها فى السوق

وستكون المتابعة أثناء الجلسة حسب ما يسمح الوقت فى باب المتابعة أثناء الجلسة

وسيتزامن مع مشاركاتنا عن السوق موضوع تعليمى، فإن أضمن طريق للمكسب هو اكتساب العلم

نسأل الله التوفيق

hollow · 06-04-2008, 08:16 AM

اقتباس:

المشاركة الأصلية كتبت بواسطة hollow

السلام عليكم ورحمة الله وبركاته

المنتجعات
(للمستثمرين متوسطى وطويلى الأجل)
شارت أسبوعى
السهم يسير فى اتجاه عرضى مائل للهبوط وموضح على الشارت مثلث هابط كامل الشروط كسره لأعلى سيستهدف 10.50

يمر السهم بمرحلة تجميع داخل المثلث ويتضح ذلك من الانفراجات الإيجابية على بعض المؤشرات.

الشارت التالى يوضح انفراج إيجابيى من الدرجة الأولى بين الماكد والهستوجرام

وكما نرى على مؤشر الماكد أنه تماسك عند خط الصفر ليؤكد أن السهم لم يدخل فى اتجاه هابط أساسى ولكنه الآن فى موجة تصحيحة
وانظروا أيضاً على نفس الشارت وتحديداً فى شهر أغسطس 2006 نفس السيناريو تقريباً ولكن يختلف أنه حينها لم يكن الانفراج من الدرجة الأولى كما هو الآن
ولكن قوة الاشارة باستخدام هذا المؤشر كانت تكمن فى ارتداد الماكد من خط الصفر بالإضافة للانفراج الإيجابيى وبالإضافة لإشارة الماكد المعروفة بقطع متوسط لأعلى عند السهم الأزرق المشير لأعلى (ونادراً ما تجتمع الإشارات الثلاثة والتى لها تأثير قوى جداً رأيناه على تضاعف قيمة السهم أكثر من 5 مرات)
نستنتج من هذا ان ما نراه الآن من هذا المؤشر أنه مستقر فوق خط الصفر ولم نحصل على تأكيد الدخول بعد ولكن الانفراج القوى لابد وأن نرى تأثيره على السهم، وأتوقع عند تحقق إشارة الدخول المنتظرة من الماكد أن يكون تأثيرها عنيفاً كما كان فى السابق

يوضح الشارت التالى الانفراج بين السعر ومؤشر CCI وعلى الرغم من عدم وجود انفراج بين السعر و RSI إلا أن CCI بعد أن كون قيعان أعلى من بعضها تنبأ باتباع RSI نفس الطريق حيث كون هو الآخر قاعين أعلى من بعض، وكما نرى يحاول RSI معاودة الصعود فوق خط الخمسين وعند استقرار السهم فوق خط الخمسين سيعنى أنه دخل مرحلة القوة

أحد الانفراجات الملفتة للنظر أيضا هو الانفراج الايجابى بين مؤشرى Accumulation/Distribution و Chakin A/D Oscillator حيث يتوقع الثانى انعكاس الأول لأعلى قريباً وذلك عندما يزيد التجميع على السهم وتتأكد إشارة الدخول بقطع الأول خط مقاومته والموضح بالترند باللون الأسود، وقطع الثانى لخط الصفر لأعلى

هذه رؤية للسهم على المدى المتوسط والطويل باستخدام المؤشرات
ونتابع لاحقاً إضافات آخرى

.............

أبو نور · 06-04-2008, 08:52 AM

تسلم إيدك ياهولو
هو ده الشغل

freedomfighter · 06-04-2008, 02:39 PM

ماشاء الله أخي ابو نور وأخي هولو

رائع جدا

شوقتوني والله لدخول عالم الاسهم

اشعر بالمتعة والاثارة والحرب بين الماركت ميكر والمحلل

وفي النهاية المحلل الناجح زي حضارتكم بيكسب

وبردو من اكتر الحاجات اللي جذبتني نجاح الدايفرجنس وانا من عشاق المتاجرة بالدايفرجنس

فقط بارك الله فيك مشرفنا ابو نور كتابة موضوع عن خطواط الدخول وبارك الله فيك

نور المصرى · 06-04-2008, 03:31 PM

توضيح
نور المصرى وابو نور شخصان شقيقان وليس شخص واحد
ابو نور هو الاخ الاكبر وصاحب باب المتابعه اثناء الجلسه
نور المصرى هو الاخ الاصغر وصاحب باب حديث الشارت
وفى النهايه كلنا اخوه عن حق ولكن وجب التنبيه حتى لا يحدث لبس